CROCEFIESCHI.COM

ch'o stagghe into Comun e ch'o vive insemme a-i Seu Çitadin quello che a natua, l'ambiente, a tradiçion colturale e o climma permettan d'aprexâ e ch'o sòffre comme tutti niatri i dezaxi do tenpo grammo, da mancansa de programaçion e de tutto quello che i abitanti patiscian pe-e cöse che no van drento e feua do Comun.

ch'o gestisce, con sæximo e ativamente, con capaçitæ, giustiçia e trasparensa, a cösa publica; co-o dâ a mente a quello che i Çitadin domandan e o se da da fâ pe risòlve i problemi con conpetenza e equidistansa inte l'interesse de Tutta a Comunitæ

ch'o rispette o pròpio gruppo de travaggio, ma ch'o no l'agge poîa a domandâ o contributo (dizinteresòu) di Çitadin, rexidenti e no, che pe conpetensa, esperiensa ò poxiçion possan contriboî a risolve i problemi do Comun

ch'o dagghe a megio qualitæ di serviççi do Comun e de quelli afidæ a enti esterni; ch'o garantisce a seguessa publica e privâ, e ch'o rende invitante o trasferimento de neuvi abitanti into Comun, co-o scöpo de fâ cresce a popolaçion rexidente e e relative ativitæ econòmiche, fæti questi che portiàn a 'n ciù grande sviluppo econòmico do Comun

ch'o promeuve òcaxoin d'incontro co-i Çitadin (òrganizâ asemblee çitadinn-e, publicizâ i incontri do Conseggio, mandâ de “newsletter”, ecc), pe 'na gestion condiviza e pe senscibilizâ tutti in scê questioin che peuan costitoî in risparmio de risòrse finançiarie disponibili do Comun